Kuch ajab shaan se logon mein raha karte the

Kuch ajab shaan se logon mein raha karte the,
Hum khafa reh kE bhi aapas mein mila karte the,

Itni tehzeib rah-o-rasm to baaKi thi ke wo,
Laakh ranjish sahi wada to wafa karte the,

Usne poocha tha kai baar magar kiya kahiye,
Hum mizajann hi pareshaan raha karte the,

Khatam tha hum pe mohabbat ka tamasha gaya,
Rooh or jism ko har roz juda karte the,

Zindagi hum se tere naaz uthaye na gaye,
Saans lene ki faqat rasm ada karte the,

Hum baras padhte the apni hi tanhai par,
Ab ki tarha kisi dar se utha karte the...!!!